Naskah upacara adat SD

Prolog

Batur jenuk mangka weruh

Balarea mangka waspada

Papayung agung mancuh saestu

Emban mapayang tandana naratas jalan

Kalayan nyebat bismillahirrohmanirrohim

Upacara mapag panganten dikawitan

Gera lagukeun kidung liwung nu panuhung ........

Gera hariringkeun kawih asih tina ati .......

sugan teteg ieu lengkah nu rek lunta ........

sugan jembar ieu lengkah seja napak .........

mun isuk balebat nyingray ti wetan. .......

Sarangenge sumirat deui dilangit ..........

Lengser

Amit ampun nya paralun
ka gusti nu maha suci

Neda pangraksa pangriksa

Ya allah ... neda kasalametan

Salamet berekah rahayu

Para abdi-abdi seni

Kulon wetan kidul kaler

Luhur handap tengah sisi

Ka sadayana neda widi

Pun sampun ua hapunten (batuk.. batuk...)

Pangapunten ka sadayana ..............

Ua teh kapapancenan kanggo ngayakeun upacara paturay tineung

Mugia ieu acara teh ... apanjang apunjung .. berekah salamet...

Amin ya robal alamin

Mana nya... nu karasep .. nu gareulis teh....

Oh itu gening hayu kanca-kanca urang papag babarengan

Bur payung geura bukakeun ....

Bur payung geura bukakeun ....

Payung

Bandera papayung agung...

Temen deudeuh pangbagea...

Dipapag ku aki lengser...

Diibingan digendingan payung agung..

Samapiung ngapung ka manggung

Gugunungan

Gunung perlambang kaagungan

Gugunungan minangka bubuka carita

Geusan ngapung kamanggung

Ngapak mega ngawang-ngawang

Burudul ...budul saalung baju

Barabay... sawidak deupa

rup kusambut rap ku lemah

Kadingdingan indung peuting..... kahalangan mega malang

Seja teger moal anggut kalinduan

Mangka berekah salamet... dunya aherat

Kujang

Kujang pusaka pikeun kaagungan

Jadi hiji ciri nu mandiri

Perlambang kakuatan jeung wawanen

Pikeun nanjeurkeun bebeneran jeung kaadilan

Kujang teh mangrupa gambaran urang sunda

Nu welas asih, anggah-ungguh, budi daya, budi basa, nyaliksik diri

Silih asih, silih asah .. silih asuh

Hanoman vs gatotgaca

Tatar Sunda......

Beunghar pakaya jeung budaya

Hanoman...... Gatotgaca......... minangka bagian budaya sunda

Dina kahirupan ... anu pinuh  ku simbol jeung siloka

Kiwari.......

Robah mangsa ganti wanci....

loba nu teu malire kana tetekon.... teu tarapti

tunggul dirarud catang dirumpak

parasea parebut harta jeung kakawasaan....

Mangkade kudu ati-ati tur nastiti

ngajaga ... ngariksa ... ngarumat budaya urang

geusan hirup dina kabagjaan

Merak

Nitih wanci nu mustari

Ninggang mangsa nu utama

Kiwari geusan ngajadi

Rengse  nyiar elmu panemu

Budi jeung pangarti

Mayang

Bral gera miang...

Geusan  nyiar elmu nu leuwih luhung

Milari pangarti sing nastiti

Cageur... bageur... bener... pinter..

Salamet di dunya salamet di aherat...

Seren sumere

Ka bapa pupuhu sakola dihaturanan....

Kanggo masrahkeun murangkalih ka sepuhna sewang-sewangan...

Ka bapa komite sakola dihaturanan...

Kanggo nampi murangkalih sacara simbolis

Pamit

Alhamdulillah ...... Upacara paturay tineung parantos rengse

Bobo sapanon carang sapakan

Saninten buah saninten ... Saninten diparapatan

Hapunten abdi hapunten... Tina sabudaya kalepatan